I fjor kjøpte 64 prosent av oss si førre bok i bokhandelen ifølgje ei ny undersøkjing frå Synovate. Dette er ein auke på 5 prosent frå 2009.
Mens den varsla lanseringa av den norske e-boka let vente på seg viser ei ny undersøkjing at 64 prosent av bokkjøparane i fjor kjøpte si førre bok i bokhandelen.
Bokundersøkjinga som blei gjennomført av Synovate i desember viser at 57 prosent har kjøpt ei eller fleire bøker siste tre månader mot 55 prosent i 2009. Dette er den høgaste målinga som er registrert sidan 2002.
Totalt oppgir 74 prosent av befolkninga at dei har kjøpt ei eller fleire bøker siste året, noko som er ein auke på 4 prosent frå 2009. Bokhandelen styrkar dermed posisjonen som den viktigaste kanalen for kjøp av bøker her i landet. Sal via internett er på 11 prosent, det same som i 2009.
Om undersøkjinga
Ein gong i halvåret utfører Synovate på oppdrag frå Bokhandlarforeininga ei undersøkjing av kjøpsvanar for bøker. Undersøkjinga baserer seg på eit representativt utval av befolkninga over 15 år, valt ut av Synovate for å representere eit tverrsnitt av befolkninga. Undersøkjinga blir gjennomført for å kunne følgje utviklingstrekk, særleg når det gjeld bokkjøparanes bruk av handelskanalar. Undersøkjinga blei gjennomført i veke 50.
