Maria Curman, som er arkitekten bak Bonniers store internasjonale forlagsframgang dei to siste tiåra, går av ved utgangen av året.
Foto: Dag Andersson
Ryktene om at Maria Curman ville trappe ned og forlate posten som sjef for Bonniers internasjonale forlagsimperium i ved slutten av året, har sirkulert i lengre tid når avgangen no blir stadfesta.
I samband med avgangen gjennomfører Bonniers ei omstrukturering som betyr att Maria Curman blir erstatta av to andre Bonnier-sjefar. Jakob Dalborg tar over leiinga av Bonnier Books i Norden, som i tillegg til Sverige består av Noreg og Finland. Hartmut Jelicke tar over leiinga av Bonnier Books i resten av verda som i grove trekk betyr Tyskland, Storbritannia, Australia og Frankrike.
Bonnier Books har opplevd relativt stor vekst under leiing av Maria Curman. Då ho byrja i 2002 omsatte organisasjonen for 4 milliardar svenske kroner. I 2010 var det tilsvarande talet 6,25 milliardar svenske kroner.
Viktige endringar på 2000-talet var kjøpet av Adlibris, den leiande netttbokhandelen i Sverige med aktivitet i heile Norden, det tyske forlaget Ullstein og finske WSOY. Dessutan gjekk Bonnier saman med Egmonteigde Damm og skapte forlagshuset Cappelen Damm, der Bonniers har 50 prosent av aksjane.
Bonnier Books
Omsetnad i Norden: 4,7 millliardar svenske kroner
Finland: 0,5 milliardar
Noreg: 1,5 milliardar (50 prosent)
Sverige: 2,7 milliardar
Resten av verda: Cirka 2,3 milliardar kroner
Tyskland: 1,8 milliardar
Storbritannia og andre land: 0,5 milliardar
