Alice Sebolds bestseljar «Alle mine kjære», som kom ut på Samlaget første gong i 2004, blir relansert i pocket i samband med den norske filmpremieren 5. mars.
Boka er filmatisert av Peter Jackson, og ho gjekk rett inn på toppen av den amerikanske bestseljarlista då filmen hadde premiere før jul.
Filmen er produsert av Steven Spielberg. I rollene finn vi m.a. Susan Sarandon, Rachel Weisz, Mark Wahlberg, Michael Imperioli, Stanley Tucci og nykomaren Saorsi Ronan.
Susie Salmon er ei vanleg tenåringsjente i ein vanleg forstad i 70-åras USA – til ho ein dag går snarvegen heim over maisåkeren. Susie blir voldtatt og drepen. Frå livet på andre sida følgjer ho med mordaren og politijakta på han, og på familien som prøver å leve med og forstå tragedien.
Alice Sebold, født 1963, bur i California. Ho har skrive for The New York Times og Chicago Tribune før ho fekk sitt store internasjonale gjennombrot med «Alle mine kjære», som no er komen ut i meir enn 30 land.
Boka er omsett av Anne Karin Torheim.
