Bergensforleggarane Vigmostad & Bjørke er i gang med ein ny bokhandelkjede, som får namnet Campusbok. Elleve stundetsamskipnadar er med.
Forlagshuset Vigmostad & Bjørke har etablert den nye bokhandlarkjeden for bokhandlarar som har hovudfokus på akademisk litteratur.
- Vi har gjort dette saman med Studentsamskipnaden i Agder og Studentsamskipnaden for Sunnmøre, fortel Arnstein Bjørke til Bok & samfunn.
Campusbok
Kjeden har fått namnet Campusbok og er ein frivilleg kjede. Så langt har Campusbok fått elleve medlemmer – alle bokhandlarane er eigde av studentsamskipnadar fordelt rundt i heile landet. Den enkelte butikk forblir sjølvstendig og lokalt eigd, mens kjedekontoret får i oppgave å skaffe innkjøpsavtalar, skape fagleg fellesskap, tilby IT- og webløysingar.
- Kjedekontoret vil også ha ansvar for andre oppgåver som blir vesentlege for at vi framover skal oppretthalde eit stort tal akademiske bokhandlarar knytta til studiestadane i heile landet.
- Har de tilsett dagleg leiar?
- Nei, men stillingsannonsa får du snart.
- Skal hovudkontoret ligge i Bergen?
- Vi ser etter den beste kandidaten. Då er geografi underordna, avsluttar Bjørke.
